श्री विठ्ठल-रुक्मिणी मातेस १६६ ग्रॅम वजनाचे सोन्याचे दोन तुळशी हार अर्पण.
तानाजी रंगनाथ जाधव 
-------------------------------------------------------------------------
पंढरपूर,( दै.पंढरी नगरी न्यूज):-
श्री क्षेत्र पंढरपूर येथील श्री विठ्ठल-रुक्मिणी मातेच्या चरणी मुंबई येथील श्री. राजीव रंजन व श्रीमती नीता रंजन यांनी भक्तिभावाने सोन्याचे दोन तुळशी हार अर्पण केले आहेत. या दोन्ही तुळशी हारांचे एकत्रित वजन १६६ ग्रॅम असून, त्यांची अंदाजे किंमत 22 लाख रुपये आहे. श्री विठ्ठल-रुक्मिणी मातेप्रती असलेली अपार श्रद्धा आणि भक्तिभाव व्यक्त करण्याच्या उद्देशाने त्यांनी ही सुवर्णभेट अर्पण केली.
श्री विठ्ठल-रुक्मिणी मातेच्या सेवेसाठी भाविकांकडून विविध स्वरूपात देणग्या अर्पण केल्या जातात. या देणग्यांमधून भाविकांची श्रींच्या चरणी असलेली निष्ठा, श्रद्धा आणि समर्पणभाव व्यक्त होत असतो. रंजन दाम्पत्याने अर्पण केलेले सोन्याचे तुळशी हार हे त्याच भक्तिपरंपरेचे प्रतीक आहे.
या प्रसंगी श्री विठ्ठल-रुक्मिणी मंदिरे समितीच्या सदस्या श्रीमती शकुंतला नडगिरे यांनी देणगीदार श्री. राजीव रंजन व श्रीमती नीता रंजन यांचा यथोचित सत्कार केला.
